የኢትዮጵያ አየር መንገድ ግሩፕ በ2012 በጀት ዓመት ብር 122.14 ቢሊዮን ገቢ አገኘ::
የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ሩብ ዓመት ብር 649.65 ሚሊዮን አተረፈ
በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ
በ2012 በጀት የመጀመሪያው ሩብ ዓመት በንግድና አገልግሎት ዘርፍ የተሰማሩ አራት ድርጅቶች ከታክስ በፊት ብር 77.6 ሚሊዮን አተረፉ
በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ የልማት ድርጅቶች ብር 52.3 ቢሊዮን አተረፉ


.


የመንግሥት የልማት ድርጅቶች ከታክስ በፊት ብር 55.55 ቢሊዮን አተረፉ፣

15/10/2020
በመንግሥት የልማት ድርጅቶች ይዞታና አስተዳደር ኤጀንሲ ሥር ያሉ 21 የልማት ድርጅቶች በ2012 በጀት ዓመት ከታክስ በፊት ብር 70 ቢሊዮን ለማትረፍ አቅደው ብር 55.55 ቢሊዮን ወይም የዕቅዳቸውን 79 በመቶ አተረፉ፡፡

የኢትዮጵያ አየር መንገድ ግሩፕ በ2012 በጀት ዓመት ብር 122.14 ቢሊዮን ገቢ አገኘ::

08/10/2020
የኢትዮጵያ አየር መንገድ ግሩፕ በ2012 በጀት ዓመት በዐለም አቀፍና በሀገር ውስጥ ትራንስፖርት መንገደኞችንና ዕቃዎችን በማጓጓዝ፣ የኤርፖርት አገልግሎትና ሆቴል መስተንግዶ በማቅረብ ፣ የጥገና አገልግሎትና የአቬሽን ስልጠና በመስጠት ፣ብር 149.72 ቢሊዮን ገቢ ለማግኘት አቅዶ ብር 122.14 ቢሊዮን ወይም የዕቅዱን 82 በመቶማግኘትችሏል፡፡

የመንግሥት የልማት ድርጅቶች በጸጥታ ችግር ጉዳት ለደረሰባቸው ወገኖች ድጋፍ አደረጉ

20/08/2020
በመንግሥት የልማት ድርጅቶች ይዞታና አስተዳደር ኤጀንሲ ሥር የሚገኙ የልማት ድርጅቶች ከሰኔ መጨረሻ ጀምሮ በሀገራችን በተፈጠረው የጸጥታ ችግር የተጎዱ ወገኖችን ለመደገፍ ሐምሌ 13 ቀን 2012 ዓ.ም. ባደረጉት ውይይት ቃል በገቡት መሠረት እስከ ነሐሴ 7 ቀን 2012 ዓ.ም. ባለው ጊዜ ውስጥ በጥሬ ገንዘብ ብር 17,800,000.00 ለዚሁ ተግባር በሕዝብ ተወካዮች ምክር ቤት ጽ/ቤት አማካይነት በኢትዮጵያ ንግድ ባንክ በተከፈተ ሂሳብ አስገብተዋል፡፡

የመንግሥት የትራንፖርት ድርጅቶች በ2012 በጀት ግማሽ ዓመት ከታክስ በፊት ብር 9.05 ቢሊዮን አተረፉ

26/02/2020
በመንግሥት የልማት ድርጅቶች ይዞታና አስተዳደር ኤጀንሲ ሥር በትራንስፖርት ዘርፍ የሚገኙ የኢትዮጵያ አየር መንገድ ግሩፕ እና የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ግማሽ ዓመት በጊዚያዊ የሂሳብ መረጃ መሠረት ከታክስ በፊት በድምሩ 9.05 ቢሊዮን አተረፉ፡፡ ይህ አፈጻጸም የልማት ድርጅቶቹ አቅደውት ከነበረው የብር 12.38 ቢሊዮን ትርፍ አንጻር ሲታይ ክንውናቸው የዕቅዳቸውን 73.12 በመቶ እንደሆነ የድርጅቶቹ አፈጻጸም በኤጀንሲው መሰብሰቢያ አዳራሽ የካቲት 11 እና 16 ቀን 2012 ዓ.ም. በተገመገመበት ወቅት ታውቋል፡፡

የመንግሥት የፋይናንስ ድርጅቶች በ2012 በጀት የመጀመሪያው ግማሽ ዓመት ከታክስ በፊት ብር 10.7 ቢሊዮን አተረፉ

24/02/2020
በመንግሥት የልማት ድርጅቶች ይዞታና አስተዳደር ኤጀንሲ ሥር በፋይናንስ ዘርፍ የሚገኙ የኢትዮጵያ ልማት ባንክ፣ የኢትዮጵያ መድን ድርጅት እና የኢትዮጵያ ንግድ ባንክ በ2012 በጀት የመጀመሪያው ግማሽ ዓመት በጊዚያዊ የሂሳብ መረጃ መሠረት ከታክስ በፊት በድምሩ 10.7 ቢሊዮን አተረፉ፡፡ ይህ አፈጻጸም የልማት ድርጅቶቹ አቅደውት ከነበረው የብር 9.67 ቢሊዮን ትርፍ አንጻር ሲታይ ክንውናቸው ከዕቅዳቸው ከ11 በመቶ በላይ ብልጫ እንዳለው የድርጅቶቹ አፈጻጸም በኤጀንሲው መሰብሰቢያ አዳራሽ የካቲት 5፣6 እና 11 ቀን 2012 ዓ.ም. በተገመገመበት ወቅት ታውቋል፡፡

በግብርና እና አግሮ ኢንዱስትሪ ዘርፍ የተሰማሩ ሁለት ኮርፖሬሽኖች የግማሽ በጀት ዓመት አፈጻጸም ተገመገመ

12/02/2020
በመንግሥት የልማት ድርጅቶች ይዞታና አስተዳደር ኤጀንሲ ስር ያሉና በግብርና እና አግሮ ኢንዱስትሪ ዘርፍ የተሰማሩ የኢትዮጵያ ግብርና ሥራዎች እና የኢትዮጵያ ስኳር ኮርፖሬሽኖች የ2012 በጀት ዓመት የግማሽ ዓመት ዕቅድ አፈጻጸም የኤጀንሲው አመራሮች፣የየኮርፖሬሽኖቹ ዋና ሥራ አስፈጻሚዎችና የማኔጅመንት አባላት በተገኙበት መድረክ የካቲት 2 ቀን 2012 ዓ.ም. በኤጀንሲው መሰብሰቢያ አዳራሽ ተገመገመ፡፡ በጠዋቱ ክፍለ ጊዜ የኢትዮጵያ ግብርና ሥራዎች ኮርፖሽን አፈጻጸም ሪፖርት ቀርቦ የተገመገመ ሲሆን፣የግምገማውን መድረክ የኤጀንሲው ዋና ዳይሬክተር አቶ በየነ ገብረ መስቀል መርተውታል፡፡

የኤጀንሲው አመራሮች የኢትዮጵያ ባህር ትራንስፖርትና ሎጀስቲክስ አገልግሎት የሥራ እንቅስቃሴ ጎበኙ

16/12/2019
የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር አቶ በየነ ገብረመስቀል፣ የኦፕሬሽን ዘርፍ ምክትል ዋና ዳይሬክተር አቶ ሀብታሙ ኃይለሚካል እና ሌሎች የኤጀንሲው ሥራአመራር አባላትን ያካተተ የኤጀንሲው አመራር ታህሳስ 2 ቀን 2012 ዓ.ም. በሞጆ እና ቢሾፍቱ ከተሞች ተገኝቶ የኢትዮጵያ ባህር ትራንስፖርትና ሎጀስቲክስ አገልግሎት ድርጅት(ኢባትሎአድ) የሥራ እንቅስቃሴዎችን ተዘዋውሮ ጎብኝቷል፡፡ ከሞጆ ከተማ ከንቲባ ወ/ሮ መሠረት አሰፋ ጋርም በጋራ ጉዳዮች ላይ ውይይት አካሂዷል፡፡

በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ

21/11/2019
በመንግሥት የልማት ድርጅቶች ይዞታና አስተዳደር ኤጀንሲ ሥር ያሉና በማኑፋክቸሪንግ ዘርፍ የተሰማሩ አምስት የልማት ድርጅቶች በተጠናቀቀው የ2012 በጀት የመጀመሪያው ሩብ ዓመት ከታክስ በፊት ብር 233.9 ሚሊዮን ለማትረፍ አቅደው በጊዚያዊ የሂሳብ መረጃ መሠረት ብር 174 ሚሊዮን አተረፉ፡፡ ይህ ትርፍ የዕቅዳቸው 74.4 በመቶ ነው፡፡ ድርጅቶቹ ብሔራዊ አልኮልና አረቄ ፋብሪካ፣ብርሃንና ሰላም ማተሚያ ድርጅት፣ የኬሚካል ኢንዱስትሪ ኮርፖሬሽን፣የኢትዮጵያ ፐልፕና ወረቀት አክሲዮን ማኅበር እና ብረታብረትና ኢንጂነሪንግ ኮርፖሬሽን ናቸው፡፡

በ2012 በጀት የመጀመሪያው ሩብ ዓመት በንግድና አገልግሎት ዘርፍ የተሰማሩ አራት ድርጅቶች ከታክስ በፊት ብር 77.6 ሚሊዮን አተረፉ

06/11/2019
በመንግሥት የልማት ድርጅቶች ይዞታና አስተዳደር ኤጀንሲ ሥር ያሉ በንግድና አገልግሎት ዘርፍ የተሰማሩ አራት የልማት ድርጅቶች በተጠናቀቀው የ2012 በጀት የመጀመሪያው ሩብ ዓመት ከታክስ በፊት ብር 47.21 ሚሊዮን ለማትረፍ አቅደው ብር 77.6 ሚሊዮን አተረፉ፡፡ ይህ ትርፍ ከዕቅዳቸው በ64.37 በመቶ ከፍ ያለ ነው፡፡ ትርፉን ያስመዘገቡት ድርጅቶች የኢትዮጵያ ንግድ ሥራዎች ኮርፖሬሽን፣ የኢትዮጵያ ቱሪስት ንግድ ሥራ ድርጅት፣ግዮን ሆቴል ድርጅት እና ፍል ውሃ አገልግሎት ድርጅት ናቸው፡፡

በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ የልማት ድርጅቶች ብር 52.3 ቢሊዮን አተረፉ

07/10/2019
በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ 23 የልማት ድርጅቶች በ2011 በጀት ዓመት ብር 69.5 ቢሊዮን ከታክስ በፊት ለማትረፍ አቅደው በዕቅድ ዘመኑ ማትረፍ የቻሉ 18 ድርጅቶች ብር 52.3 ቢሊዮን ወይም የዕቅዳቸውን 77 በመቶ ማትረፋቸው ተገለጸ፡፡ ይህ የተገለጸው የኤጀንሲው ዋና ዳይሬክተር አቶ በየነ ገብረ መስቀል መስከረም 22 ቀን 2012 ዓ.ም. በኤጀንሲው መሰብሰቢያ አዳራሽ የኤጀንሲውንና የተጠሪ የልማት ተቋማቱን የ2011 በጀት ዓመት ዕቅድ አፈጻጸም እና የ2012 በጀት ዓመት ዕቅድ አስመልክተው ለመገናኛ በዙኃን በሰጡት መግለጫ ነው፡፡

  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display