በግብርና እና አግሮ ኢንዱስትሪ ዘርፍ የተሰማሩ ሁለት ኮርፖሬሽኖች የግማሽ በጀት ዓመት አፈጻጸም ተገመገመ
የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ሩብ ዓመት ብር 649.65 ሚሊዮን አተረፈ
በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ
በ2012 በጀት የመጀመሪያው ሩብ ዓመት በንግድና አገልግሎት ዘርፍ የተሰማሩ አራት ድርጅቶች ከታክስ በፊት ብር 77.6 ሚሊዮን አተረፉ
በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ የልማት ድርጅቶች ብር 52.3 ቢሊዮን አተረፉ
Back

የመንግሥት የፋይናንስ ድርጅቶች በ2012 በጀት የመጀመሪያው ግማሽ ዓመት ከታክስ በፊት ብር 10.7 ቢሊዮን አተረፉ

 

 

በመንግሥት የልማት ድርጅቶች ይዞታና አስተዳደር ኤጀንሲ ሥር በፋይናንስ ዘርፍ የሚገኙ የኢትዮጵያ ልማት ባንክ፣ የኢትዮጵያ መድን ድርጅት እና የኢትዮጵያ ንግድ ባንክ በ2012 በጀት የመጀመሪያው ግማሽ ዓመት በጊዚያዊ የሂሳብ መረጃ መሠረት ከታክስ በፊት በድምሩ  10.7 ቢሊዮን አተረፉ፡፡ ይህ አፈጻጸም የልማት ድርጅቶቹ አቅደውት ከነበረው የብር 9.67 ቢሊዮን ትርፍ አንጻር ሲታይ ክንውናቸው ከዕቅዳቸው ከ11 በመቶ በላይ ብልጫ እንዳለው የድርጅቶቹ አፈጻጸም በኤጀንሲው መሰብሰቢያ አዳራሽ የካቲት 5፣6 እና 11 ቀን 2012 ዓ.ም. በተገመገመበት ወቅት ታውቋል፡፡

የግምገማ መድረኩን የኤጀንሲው ዋና ዳይሬክተር አቶ በየነ ገብረመስቀልና አቶ ሃብታሙ ኃ/ሚካኤል የመሩት ሲሆን፣ የየልማት ድርጅቶቹ የቦርድ ተወካዮች፣ ዋና ሥራአስፈጻሚዎች፣ የማኔጅመንት አባላትና እንዲሁም የኤጀንሲው የፋይናንስ ድርጅቶች ዘርፍ ዳይሬክተር እና ባለሙያዎች በግምገማው ተሳትፈዋል፡፡

ድርጅቶቹ ይህንን ትርፍ ሊያገኙ የቻሉት የባንክና የመድን አገልግሎቶች በመስጠት በሩብ ዓመቱ ብር 34.35 ቢሊዮን ገቢ ለማግኘት አቅደው ብር 36.64 ቢሊዮን ወይም የዕቅዳቸውን 107 በመቶ ማግኘት በመቻላቸው  ነው፡፡

ከተገኘው  የብር 10.71 ቢሊዮን ትርፍ ከፍተኛውን ብር 9.33 ቢሊዮን ወይም ከዕቅዱ 103 በመቶ በማትረፍ ከአጠቃላዩ የዘርፉ ትርፍ አፈጻጸም 87 በመቶ ያህል ድርሻ የያዘው የኢትዮጵያ ንግድ ባንክ ሲሆን፣በባለፈው 2012 በጀት የመጀመሪያው ሩብ ዓመት አፈጻጸሙን አሻሽሎ ከኪሳራ የወጣው የኢትዮጵያ ልማት ባንክ በአጠቃላይ በስድስት ወሩ ብር 951.60 ሚሊዮን ወይም የዕቅዱን 483 በመቶ ሊያተርፍ ችሏል፡፡ በዚህም ለዘርፉ አጠቃላይ ትርፍ የ9 በመቶ አስተዋጽኦ በማድረግ ሁለተኛ ደረጃ ላይ ይገኛል፡፡ የኢትዮጵያ መድን ድርጅት ደግሞ በመንፈቅ ዓመቱ ብር 427.89 ሚሊዮን ወይም የዕቅዱን 101 አትርፎ ለዘርፉ ትርፍ አፈጻጸም የ4 በመቶ ድርሻ በማበርከት ሶስተኛ  ደረጃ ይዟል፡፡

በግምገማው ማጠቃለያ ላይ የፋይናንስ ድርጅቶቹ የመጀመሪያ መንፈቅ ዓመት አፈጻጸም አበረታች በመሆኑ በቀጣዮቹ የ2012 በጀት ዓመት የትግበራ ምዕራፎች ይህንኑ አጠናክረው እንዲቀጥሉና በበጀት ዓመቱ የላቀ ውጤት እንዲያስመዘግቡ አቅጣጫ ተሰጥቶ ግምገማው ተጠናቋል፡፡ 


  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display