በግብርና እና አግሮ ኢንዱስትሪ ዘርፍ የተሰማሩ ሁለት ኮርፖሬሽኖች የግማሽ በጀት ዓመት አፈጻጸም ተገመገመ
የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ሩብ ዓመት ብር 649.65 ሚሊዮን አተረፈ
በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ
በ2012 በጀት የመጀመሪያው ሩብ ዓመት በንግድና አገልግሎት ዘርፍ የተሰማሩ አራት ድርጅቶች ከታክስ በፊት ብር 77.6 ሚሊዮን አተረፉ
በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ የልማት ድርጅቶች ብር 52.3 ቢሊዮን አተረፉ
Back

በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ

 

በመንግሥት የልማት ድርጅቶች ይዞታና አስተዳደር ኤጀንሲ ሥር ያሉና በማኑፋክቸሪንግ ዘርፍ የተሰማሩ አምስት የልማት ድርጅቶች በተጠናቀቀው የ2012 በጀት የመጀመሪያው ሩብ ዓመት ከታክስ በፊት ብር 233.9 ሚሊዮን ለማትረፍ አቅደው በጊዚያዊ የሂሳብ መረጃ መሠረት ብር 174 ሚሊዮን አተረፉ፡፡ ይህ ትርፍ የዕቅዳቸው 74.4 በመቶ ነው፡፡ ድርጅቶቹ ብሔራዊ አልኮልና አረቄ ፋብሪካ፣ብርሃንና ሰላም ማተሚያ ድርጅት፣ የኬሚካል ኢንዱስትሪ ኮርፖሬሽን፣የኢትዮጵያ ፐልፕና ወረቀት አክሲዮን ማኅበር እና  ብረታብረትና ኢንጂነሪንግ ኮርፖሬሽን ናቸው፡፡

የየድርጅቶቹ ዕቅድ  አፈጻጸም በኤጀንሲው መሰብሰቢያ አዳራሽ ከጥቅምት 19 ቀን 2012 ዓ.ም. ጀምሮ በተናጠል ሪፖርት እየቀረበ እስከ ኅዳር 2 ቀን 2012 ዓ.ም. ባለው ጊዜ ተገምግሟል፡፡ የግምገማውን መድረክ የኤጀንሲው ዋና ዳይሬክተር አቶ በየነ ገብረመስቀል የመሩት ሲሆን፣ የየድርጅቶቹ ቦርድ አመራሮች፣ዋና ሥራአስፈጻሚዎችና ጉዳዩ የሚመለከታቸው የሥራ መሪዎች እና የኤጀንሲው የማኑፋክቸሪንግ ዘርፍ ዳይሬክተር እንዲሁም ባለሙያዎች ተገኝተዋል፡፡

በግምገማው ወቅት ከቀረቡ ሪፖርቶች መረዳት እንደተቻው ድርጅቶቹ  የተጠቀሰውን ትርፍ ያስመዘገቡት በሩብ ዓመቱ የተለያዩ የፋብሪካ ምርቶቻቸውን ለገበያ በማቅረብ በድምሩ 3.01 ቢሊዮን ብር የሽያጭ ገቢ ለማግኘት አቅደው ብር 2.27 ቢሊዮን ወይም የዕቅዳቸውን 75.5 በመቶ በማግኘታቸው ነው፡፡

ከእነዚህ ድርጅቶች መካከል ብሔራዊ አልኮልና አረቄ ፋብሪካ የአልኮል መጠጥ ለውጭ ገበያ ጭምር በማቅረብ 100 ሽህ የአሜሪካን ዶላር የሽያጭ ገቢ ለማግኘት አቅዶ 23,100 የአሜሪካን ዶላር ወይም የዕቅዱን 23 በመቶ ማግኘት ችሏል፡፡

ከአጠቃላዩ የብር 174.07 ሚሊዮን ትርፍ ብር 83.09 ሚሊዮን ወይም 30.30 ድርሻ በመያዝ ብሔራዊ አልኮልና አረቄ ፋብሪካ ከፍተኛውን አስተዋጽኦ አድርጓል፡፡ በብር 41.76 ሚሊዮን ትርፍ ወይም ከአጠቃላዩ 23.99 ድርሻ በመያዝ የብረታብረትና ኢንጂነሪንግ ኮርፖሬሽን ሁለተኛው ደረጃ ላይ ይገኛል፡፡ ይህ ኮርፖሬሽን በባለፈው ተመሳሳይ ወቅት የብር 607.78 ሚሊዮን ኪሳራ ደርሶበት የነበረ ሲሆን፣በዚህ የ2012 በጀት ዓመት የመጀመሪያው ሩብ ዓመት ከኪሳራ መውጣት መቻሉ አበረታች መሆኑ በግምገማው ወቅት  ተገልዷል፡፡ሶስተኛውን ደረጃ በብር 34.9 ሚሊዮን ወይም በ20 በመቶ ትርፍ ድርሻ ብርሃንና ሰላም ማተሚያ ድርጅት ይዟል፡፡

የኤጀንሲው ዋና ዳይሬክተር በግምገማው ማጠቃለያ ላይ የልማት ድርጅቶቹ የኦፕሬሽን አፈጻጸም ከባለፈው ዓመት ተመሳሳይ ወቅት አንጻር ሲታይ ኪሳራ ውስጥ የነበሩ ከኪሳራ መውጣትና የኪሳራ መጠንን በእጅጉ የመቀነስ፣ አትራፊ የነበሩ ደግሞ የትርፍ መጠናቸውን የማሳደግ ሁኔታ ያሳዩ መሆናቸውን ጠቅሰው በዚህ የዕቅድ ዝግጅት ምዕራፍ ያስመዘገቡትን ውጤት አጠናክረው በቀጣይ የትግበራ ምዕራፎች አመርቂ ውጤት ለማስመዝገብ ጠንክረው እንዲሰሩ አሳስበው የዘርፉ ግምገማ ተጠናቋል፡፡


  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display