የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ሩብ ዓመት ብር 649.65 ሚሊዮን አተረፈ
በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ
የስኳር ኮርፖሬሽን የ2011 ዕቅድ አፈጻጸም እና የ2012 ዕቅድ ዝግጅት ተገመገመ
የኢትዮጵያ ባህር ትራንስፖርትና ሎጀስቲክስ አገልግሎት ድርጅት ከታክስ በፊት ብር 1.71 ቢሊዮን አተረፈ
የኢትዮጵያ ኮንስትራክሽን ዲዛይንና ሱፐርቪዥን ሥራዎች ኮርፖሬሽን ብር 324 ሚሊዮን አተረፈ
Back

በ2012 በጀት የመጀመሪያው ሩብ ዓመት በንግድና አገልግሎት ዘርፍ የተሰማሩ አራት ድርጅቶች ከታክስ በፊት ብር 77.6 ሚሊዮን አተረፉ

 

በመንግሥት የልማት ድርጅቶች ይዞታና አስተዳደር ኤጀንሲ ሥር ያሉ በንግድና አገልግሎት ዘርፍ የተሰማሩ አራት የልማት ድርጅቶች በተጠናቀቀው የ2012 በጀት የመጀመሪያው ሩብ ዓመት ከታክስ በፊት ብር 47.21 ሚሊዮን ለማትረፍ አቅደው ብር 77.6 ሚሊዮን አተረፉ፡፡ ይህ ትርፍ ከዕቅዳቸው በ64.37 በመቶ ከፍ ያለ ነው፡፡ ትርፉን ያስመዘገቡት ድርጅቶች የኢትዮጵያ ንግድ ሥራዎች ኮርፖሬሽን፣ የኢትዮጵያ ቱሪስት ንግድ ሥራ ድርጅት፣ግዮን ሆቴል ድርጅት እና ፍል ውሃ አገልግሎት ድርጅት ናቸው፡፡

የየድርጅቶቹ ዕቅድ አፈጻጸም በኤጀንሲው መሰብሰቢያ አዳራሽ ከጥቅምት 19 ቀን 2012 ከሰዓት በኋላ ጀምሮ በተናጠል ሪፖርት እየቀረበ እስከ ጥቅምት 21 ቀን 2012 ዓ.ም. ባለው ጊዜ ተገምግሟል፡፡ የግምገማውን መድረክ የኤጀንሲው ዋና ዳይሬክተር አቶ በየነ ገብረመስቀል የመሩት ሲሆን፣ የየድርጅቶቹ ቦርድ አመራሮች፣ ዋና ሥራስፈጻሚዎችና ጉዳዩ የሚመለከታቸው የሥራ መሪዎች እና የኤጀንሲው የንግድና አገልግሎት ዳይሬክተር እንዲሁም ባለሙያዎች ተገኝተዋል፡፡

በግምገማው ወቅት ከቀረቡ ሪፖርቶች መረዳት እንደተቻለው ድርጅቶቹ የተጠቀሰውን ትርፍ ያስመዘገቡት በሩብ ዓመቱ የንግድ፣ የሆቴልና ቱሪዝም አገልግሎት በመስጠት በድምሩ 1.99 ቢሊዮን ብር የአገልግሎት ሽያጭ ገቢ ለማግኘት አቅደው ብር 1.73 ቢሊዮን ወይም የዕቅዳቸውን 86.73 በመቶ በማግኘታቸው ነው፡፡

ከእነዚህ ድርጅቶች መካከል ሶስቱ የአገልግሎት ሽያጫቸውን በውጭ ምንዛሪ ጭምር ያከናወኑ ሲሆን፣ በድምሩ በሩብ ዓመቱ 38.5 ሚሊዮን የአሜሪካን ዶላር የሽያጭ ገቢ ለማግኘት አቅደው 29.23 ሚሊዮን የአሜሪካን ዶላር ወይም የዕቅዳቸውን 76 በመቶ ማግኘት ችለዋል፡፡

የኤጀንሲው ዋና ዳይሬክተር በግምገማው ማጠቃለያ ላይ የመጀመሪያው ሩብ ዓመት የዕቅድ ዝግጅት ምዕራፍ እንደመሆኑ መጠን ድርጅቶቹ በኦፕሬሽን፣ የኮርፖሬት ማኅበራዊ ኃላፊነትን ከመወጣትና የለውጥ መርሐግብሮችን ከመፈጸም አንጻር አቅደው ያከናወኗቸው ተግባራት የሚያበረታቱ መሆናቸውን ገልጸው፣ በግምገማው ወቅት የተለዩ አንዳንድ ክፍተቶችን በቀጣይ የትግበራ ምዕራፎች ለመሸፈንና በበጀት ዓመቱ አመርቂ ውጤት ለማስመዝገብ ከቦርድ አንስቶ በየደረጃው ያሉ አመራሮችና መላው ሠራተኛ ጠንክሮ እንዲሠራ አሳስበው የዘርፉ ግምገማ ተጠናቋል፡፡


  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display