በግብርና እና አግሮ ኢንዱስትሪ ዘርፍ የተሰማሩ ሁለት ኮርፖሬሽኖች የግማሽ በጀት ዓመት አፈጻጸም ተገመገመ
የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ሩብ ዓመት ብር 649.65 ሚሊዮን አተረፈ
በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ
በ2012 በጀት የመጀመሪያው ሩብ ዓመት በንግድና አገልግሎት ዘርፍ የተሰማሩ አራት ድርጅቶች ከታክስ በፊት ብር 77.6 ሚሊዮን አተረፉ
በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ የልማት ድርጅቶች ብር 52.3 ቢሊዮን አተረፉ
Back

የመንግሥት የትራንፖርት ድርጅቶች በ2012 በጀት ግማሽ ዓመት ከታክስ በፊት ብር 9.05 ቢሊዮን አተረፉ

 

በመንግሥት የልማት ድርጅቶች ይዞታና አስተዳደር ኤጀንሲ ሥር በትራንስፖርት ዘርፍ የሚገኙ የኢትዮጵያ አየር መንገድ ግሩፕ እና የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ግማሽ ዓመት በጊዚያዊ የሂሳብ መረጃ መሠረት ከታክስ በፊት በድምሩ  9.05 ቢሊዮን አተረፉ፡፡

ይህ አፈጻጸም የልማት ድርጅቶቹ አቅደውት ከነበረው የብር 12.38 ቢሊዮን ትርፍ አንጻር ሲታይ ክንውናቸው የዕቅዳቸውን 73.12 በመቶ እንደሆነ የድርጅቶቹ አፈጻጸም በኤጀንሲው መሰብሰቢያ አዳራሽ የካቲት  11 እና 16 ቀን 2012 ዓ.ም. በተገመገመበት ወቅት ታውቋል፡፡

የግምገማ መድረኩን የኤጀንሲው ዋና ዳይሬክተር አቶ በየነ ገብረመስቀል የመሩት ሲሆን፣የየልማት ድርጅቶቹ የቦርድ ተወካዮች፣ዋና ሥራአስፈጻሚዎች፣የማኔጅመንት አባላትና እንዲሁም የኤጀንሲው የትራንስፖርት ዘርፍ ዳይሬክተር እና ባለሙያዎች በግምገማው ተሳትፈዋል፡፡

ድርጅቶቹ ይህንን ትርፍ ሊያገኙ የቻሉት የኢትዮጵያ አየር መንገድ ግሩፕ በዓለም አቀፍና በሀገር ውስጥ የአየር ትራንስፖርት ሰዎችና ዕቃ በማጓጓዝ፣ የኤርፖርት አገልግሎትና የሆቴል መስተንግዶ በማቅረብና እንዲሁም የአቬሽን ሥልጠና በመስጠት እና የኢትዮጵያ ባህር ትራንስፖርትና ሎጀስቲክስ አገልግሎት ድርጅት በባህርና በየብስ ገቢና ወጪ ዕቃዎችን በማጓጓዝ፣በሀገር ውስጥ ደረቅ ወደቦች ኮንቴይነርና ተሸከርካሪዎችን በማስተናገድና ሌሎች ተያያዥ የሎጀስቲክስ አገልግሎት በማከናወን በድምሩ ብር 91.30 ቢሊዮን ገቢ ለማግኘት አቅደው ብር 79.63 ቢሊዮን  ወይም የዕቅዳቸውን 87.21 በመቶ ማግኘት በመቻላቸው  ነው፡፡

ከተገኘው  አጠቃላይ የብር 79.63 ቢሊዮን ገቢ ከፍተኛው ብር 67.83 ቢሊዮን ወይም 85.18 በመቶው የኢትዮጵያ አየር መንገድ ግሩፕ ሲሆን፣ቀሪው ብር 11.79 ቢሊዮን ወይም 14.81 በመቶ የኢትዮጵያ ባህር ትራንስፖርትና ሎጀስቲክስ አገልግሎት ድርጅት ነው፡፡

በተመሳሳይ ከተገኘው ጠቅላላ  የብር 9.05 ትርፍ ከፍተኛውን ብር 7.82 ቢሊዮን ወይም ከአጠቃላዩ 86.44 በመቶ ያህል ድርሻ የያዘው የኢትዮጵያ አየር መንገድ ግሩፕ ሲሆን፣የኢትዮጵያ ባህር ትራንስፖርትና ሎጀስቲክስ አገልግሎት ድርጅት ከአጠቃላዩ ትርፍ ብር 1.23 ቢሊዮን ወይም 13.55 በመቶ ድርሻ ይዟል፡፡ በተናጠል ሲታይ ግን የኢትዮጵያ ባህር ትራንስፖርትና ሎጀስቲክስ አገልግሎት ድርጅት ትርፍ አፈጻጸም ከዕቅዱ የ4 በመቶ ብልጫ አለው፡፡

በግምገማው ማጠቃለያ ላይ ድርጅቶቹ በዓለም አቀፍ የአየርና የባህር ትራንስፖርት ገበያ ውስጥ ጭምር ገብተው በዋጋም ሆነ በአገልግሎት ጥራት ተወዳዳሪ ሆነው የሚሰሩ እንደመሆናቸው የግማሽ ዓመቱ አፈጻጸማቸው አበረታች በመሆኑ በቀጣዮቹ የ2012 በጀት ዓመት ቀሪ ጊዜም ይህንኑ አጠናክረው እንዲቀጥሉና ለዚህም ኤጀንሲው ተገቢውን ድጋፍ እንደሚያደርግ ተገልጾ ግምገማው ተጠናቋል፡፡


  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display