የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ሩብ ዓመት ብር 649.65 ሚሊዮን አተረፈ
በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ
የስኳር ኮርፖሬሽን የ2011 ዕቅድ አፈጻጸም እና የ2012 ዕቅድ ዝግጅት ተገመገመ
የኢትዮጵያ ባህር ትራንስፖርትና ሎጀስቲክስ አገልግሎት ድርጅት ከታክስ በፊት ብር 1.71 ቢሊዮን አተረፈ
የኢትዮጵያ ኮንስትራክሽን ዲዛይንና ሱፐርቪዥን ሥራዎች ኮርፖሬሽን ብር 324 ሚሊዮን አተረፈ
Back

በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ የልማት ድርጅቶች ብር 52.3 ቢሊዮን አተረፉ



በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ 23 የልማት ድርጅቶች በ2011 በጀት ዓመት ብር 69.5 ቢሊዮን ከታክስ በፊት ለማትረፍ አቅደው በዕቅድ ዘመኑ ማትረፍ የቻሉ 18 ድርጅቶች ብር 52.3 ቢሊዮን ወይም የዕቅዳቸውን 77 በመቶ ማትረፋቸው ተገለጸ፡፡

ይህ የተገለጸው የኤጀንሲው ዋና ዳይሬክተር አቶ በየነ ገብረ መስቀል መስከረም 22 ቀን 2012 ዓ.ም. በኤጀንሲው መሰብሰቢያ አዳራሽ የኤጀንሲውንና የተጠሪ የልማት ተቋማቱን የ2011 በጀት ዓመት ዕቅድ አፈጻጸም እና የ2012 በጀት ዓመት ዕቅድ አስመልክተው ለመገናኛ በዙኃን በሰጡት መግለጫ ነው፡፡

የልማት ተቋማቱ ይህንን ትርፍ ሊያገኙ የቻሉት ብር 311.7 ቢሊዮን የሚገመት ምርትና አገልግሎት ለሽያጭ ለማቅረብ አቅደው ብር 258.5 ቢሊዮን ወይም የዕቅዳቸውን 83 በመቶ ያወጣ ምርትና አገልግሎት ሸጠው ካገኙት ገቢ ነው፡፡
በወጪ ንግድ ረገድ የልማት ተቋማቱ 10.3 ቢሊዮን የአሜሪካን ዶላር በዕቅድ ዘመኑ ለማግኘት አቅደው 7.3 ቢሊዮን የአሜሪካን ዶላር በማግኘት ዕቅዳቸውን በ71 በመቶ አሳክተዋል፡፡

ዋና ዳይሬክተሩ የኤጀንሲውን የ2012 በጀት ዓመት ዕቅድ አስመልክተው እንደገለጹት የማስፈጸምና የመፈጸም አቅምን ማጎልበት፣ገቢና ትርፋማነትን ማሳደግ፣የፕሮጀክቶች ትግበራን ማሳለጥ፣የኮንትራት አስተዳደር አቅምን ማሻሸል፣የውስጥ ቁጥጥር ሥርዓትን ማጠናከር እና ዘርፈ ብዙ ጉዳዮችን መፈጸም የኤጀንሲው የ2012 ዕቅድ ተኩረቶች ናቸው፡፡

በእነዚህ ትኩረቶች መሠረት የልማት ድርጅቶችን የምርትና አገልግሎት ሽያጭ ገቢን በ2011 በጀት ዓመት ከነበረው አፈጻጸም በ30 በመቶ በማሰደግ ብር 338.1 ቢሊዮን ፣ትርፍን በ34 በመቶ በማሳደግ ብር 70.4 ቢሊዮን እና የወጪ ንግድን በ65 በመቶ በማሳደግ 12.1 ቢሊዮን የአሜሪካን ዶላር ለማድረስ መታቀዱን ገልጸዋል፡፡

በፕራይቬታይዜሽን መርሐግብር የልማት ድርጅቶችን ወደ ግል ዘርፍ በማዛወር ረገድ ደግሞ በያዝነው 2012 በጀት ዓመት 12 የልማት ድርጅቶች፣ቅርንጫፎችና ፕሮጀክቶችን በሽያጭ ለማዛወር መታቀዱን አሳውቀዋል፡፡

 


  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display