የኢትዮጵያ አየር መንገድ ግሩፕ በ2012 በጀት ዓመት ብር 122.14 ቢሊዮን ገቢ አገኘ::
የኢትዮጵያ ባህር ትራንስፖርትና ሎጀስቲክስ አገልግሎት ድርጅት በ2012 በጀት የመጀመሪያው ሩብ ዓመት ብር 649.65ሚሊዮን አተረፈ
በ2012 በጀት የመጀመሪያው ሩብ ዓመት በማኑፋክቸሪነግ ዘርፍ የተሰማሩ አምስት ድርጅቶች ከታክስ በፊት ብር 174 ሚሊዮን አተረፉ
በ2012 በጀት የመጀመሪያው ሩብ ዓመት በንግድና አገልግሎት ዘርፍ የተሰማሩ አራት ድርጅቶች ከታክስ በፊት ብር 77.6ሚሊዮን አተረፉ
በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ የልማት ድርጅቶች ብር 52.3 ቢሊዮን አተረፉ
Back

የመንግሥት የልማት ድርጅቶች ከታክስ በፊት ብር 55.55 ቢሊዮን አተረፉ፣

በመንግሥት የልማት ድርጅቶች ይዞታና አስተዳደር ኤጀንሲ ሥር ያሉ 21 የልማት ድርጅቶች በ2012 በጀት ዓመት ከታክስ በፊት ብር 70 ቢሊዮን ለማትረፍ አቅደው ብር 55.55 ቢሊዮን ወይም የዕቅዳቸውን 79 በመቶ አተረፉ፡፡

የልማት ድርጅቶቹ ይህንን ትርፍ ሊያገኙ የቻሉት በበጀት ዓመቱ ብር 338 ቢሊዮን የሚያወጣ ምርትና አገልግሎት ሽያጭ ለመፈጸም አቅደው የብር 300.5 ቢሊዮን ወይም የዕቅዳቸውን 89 በመቶ ሽያጭ ማከናወን በመቻላቸው እንደሆነ የኤጀንሲው ዋና ዳይሬክተር አቶ በየነ ገብረመስቀል መስከረም 20 ቀን 2012 ከሰዓት በኋላ በጽህፈት ቤታቸው ለጋዜጠኞች በሰጡት መግለጫ አሳውቀዋል፡፡

በዚሁ በተጠናቀቀው 2012 በጀት ዓመት ምርትና አገልግሎታቸውን በውጭ ምንዛሪ ከሚሸጡ ድርጅቶች የ12.52 ቢሊዮን የአሜሪካን ዶላር ገቢ ለማግኘት ታቅዶ 8.67 ቢሊዮን የአሜሪካን ዶላር ወይም የዕቅዳቸውን 69 በመቶ ማግኘት እንደተቻለም ተገልጿል፡፡

ቀደም ሲል ወደ ግል ይዞታ ከተዛወሩ ድርጅቶች ያልተሰበሰበ ቅጣትና ወለድ ተነስቶ አጠቃላይ ዋና የሽያጭ ገቢ ብር 3.3 ቢሊዮን መሆኑ፣ከዚህ ውስጥ በ2012 በጀት ዓመት ብር 330 ሚሊዮን እና በ2013 በጀት ዓመት 1ኛ ሩብ ዓመት ብር 1.8 ቢሊዮን በድምሩ ብር 2.1 ቢሊዮን ወይም ከአጠቃላዩ የገዥዎች ዕዳ 60 በመቶ ያህል መሰብሰቡንና ቀሪ ያልተሰበሰበ የሽያጭ ገቢ ብር 1.2 ቢሊዮን እንደሆነ ዋና ዳይሬክተሩ ጨምረው አሳውቀዋል፡፡

በተያዘው የ2013 በጀት ዓመት እነዚሁ የልማት ድርጅቶች ብር 376.66 ቢሊዮን የምርትና አገልግሎት ሽያጭ አከናውነው ብር 73.81 ቢሊዮን ከታክስ በፊት ትርፍ እንዲያስመዘግቡ መታቀዱን ዋና ዳይሬክተሩ በመግለጫቸው ጠቅሰዋል፡፡ ይህም ከ2012 በጀት ዓመት አፈጻጸም በሽያጭ በ22 በመቶ እንዲሁም በትርፍ ከታክስ በፊት በ36 በመቶ ብልጫ ያለው ነው፡፡

ከመግለጫው በኋላ ዋና ዳይሬክተሩ በልማት ድርጅቶቹ ዙርያ ጋዜጠኞቹ ላነሷቸው ጥያቄዎች ምላሽና ማብራሪያ ሰተዋል፡፡


  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display